Mizoram's Got Talent - A hun a hnai ta ; India's Got Talent nen an inthlunzawm dawn?
Mizorama reality sum tamna tur - Mizoram's Got Talent hun chu a hnai zel a, thla thar, October 4 hian ṭan a ni tawh dawn - Runmawi App kaltlanga buatsaih tur a ni ang.
Kum bithliah awm lo a, a duh apiang tel theihna tur MGT hi round ngaa ṭhen a ni dawn.
India's Got Talent?
Mizoram's Got Talent buatsaihtute hi India's Got Talent buatsaihtu lamin an rawn be pawp a, kal zelna tur a awm dawn niin a lang.
Anni lamin an lo en ve reng ang a, an duhzawng an hmuh chuan Northeast audition ti turin sawm an ni ang. Chumi an paltlang leh a nih chuan India rama talent nei ṭhate inelna - Mumbai lama India's Got Talent live show-ah an tel thei dawn a ni.
Hetah hian kal man, thlen man leh ei leh in senso pawh tumsak vek an ni ang.
Round 1: Audition Round (Video Round) kalphung tur
A tira judge hmaa zamawm taka bul ṭan ngai loin mahni in lum aṭang pawhin bul a ṭan theih dawn - a round hmasa ber chu Audition Round (video round) a ni ang.
Audition Round-ah hian perform lai video theh luh tur a ni a, video hi minute hnih aia rei lo tur a ni a, chu chuan inbuatsaih hun a huam lo ang.
Video chu edit emaw, zawm khawm emaw phal a ni dawn lo a, zai lai video a nih pawhin edit emaw effect emaw hman phal a ni lo. Heng hi ṭha taka zawm chungin 'act' atana mamawh hmanrua- card, yoyo, microphone, soundtrack etc. hman phal a ni thung.
Round 2: Live Audition
Hei hi chu Video Round paltlangte tan a ni ang a, a hmunah intihsiak tawh tur a ni dawn. Minute hnih aia rei lo perform tur niin, chutah chuan inbuatsaih hun chhung a tel lo.
Round 3: Quarter Final
Live Audition round paltlangte tan niin, Golden Buzzer a awm tawh ang. Jugde-te leh Host-te'n Golden Buzzer hi vawi khat ṭheuh an hmang thei a, Golden Buzzer hmutute hi chuan next round(Semi-Final round) tel ngai loin Final Round-ah an lut tlang nghal dawng a ni.
Round 4: Semi Final
Quarter Final paltlangte (Golden buzzer hmutute tel loin) an intihsiak leh ang. Mipui vote a awm tawh ang a, mipui vote chuan 50% lai a keng tawh dawn a ni.
Round 5: Final
He round-ah hian Golden Buzzer hmutute bakah Judge Vote leh mipui vote chawhruala vote hmu sang zual 10-te an lut ang.
Heng mite hi an intihsiak leh ang a, mipui vote a awm leh ang a, mipui vote leh judge vote-te aṭangin Mizoram's Got Talent Winner bakah top 10 chin thlan chhuah tur a ni.
Grand Finale
Grand Finale-ah hian intihsiakna awm tawh loin final lutte bakah sawm bikte an perform ang. Mizoram's Got Talent Winner puan a ni ang.
MGT Show hi Runmawi app (mobile leh desktop) hmang chauhin a en theih dawn a, a hmunah contestant-te bakah contestant hruaitu pahnih aia tam kal phal a ni lo. runmawi.com/mgt ah hian tel duh tan in ziah luh theih reng a ni.
In ziah luh ni hnuhnung ber chu September 30 hi a ni a, hriat chian duh nei tan
Lawmman
Pakhatna : Rs. 300000
Pahnihna : Rs. 150000
Pathumna : Rs. 60000
*Top 10 chinin Rs 20,000 an dawng ang.
Host: BD Chawngthu