PYD-in kumpuan intihsiak lawmman sem

Mizoram UPC kohhran ṭhalai pawl, General Pentecostal Youth Department hnuaia Literature Committee chuan GPYD kumpuan thupui, 'Taimakna' (II Petera 1:10) tih hmanga intihsiakna hrang hrang an buatsaih lawmman semna chu Inrinni khan an nei.

GPYD Literature Committee hian article inziahsiak, thawnthu tawi inziahsiak leh Short film insiamsiak hmangtein intihsiakna hi an buatsaih a, article leh film tawi hi kumpuan thupui puala tih niin, thawnthu tawi erawh ziaktuten mahni duh lam hawi an ziak thung.

Lawmman semna inkhawm hi Mizoram UPC General Headquarters Conference Hall-ah neih a ni a, kum danga General PYD Conference emaw Thu leh Hla Kutpui emawa an sem ṭhin chu hri leng avanga inkhawmpui neih theih a nih loh avangin sawm bikte nen lawmman semna hi neih a ni ta a ni.

GPYD vice president Upa F. Vanlalchama chuan fuihna thuchah sawiin, "Kan kumpuan thupui 'Taimakna' a nih ang ngeiin ṭhalaite kan thiltihna kawng tinrengah taimak chhuah leh zual turin kan inchah duh a ni," a ti a, ṭhalai tam takin intihsiakna an hmachhawn chu a lawm thu a sawi.

GPYD Literature Committee lawmman semna programme hi October 1, zan dar 8:00-ah General PYD Youtube Channel-ah tih chhuah a ni dawn a, short film-te pawh en theih turin phochhuah thuai a ni ang.

Article Lawmman
Pakhatna Vanlalhruaii, Durtlang Mel-5
Pahnihna Vanlalhrilha, ITI Veng
Pathumna David Malsawmtluanga, Kawnpui Venglai
*Mi pasarih hnenah Consolation prize pek a ni bawk.

Article ziak tam tualchhung lawmman
Armed Veng South PYD
ITI PYD
Tuikual PYD

Thawnthu inziahsiak lawmman
Pakhatna Thuthlung vangin Laldingpuia, Rabung
Pahnihna Sirva rual kiangah David Malsawmtluanga, Kawnpui Venglai
Pathumna Tania Lalruatfela, Govt. Complex

Short Film Competition lawmman
Pakhatna Govt. Complex PYD
Pahnihna Mapuia Pautu
Pathumna Ramhlun Sports Complex PYD
Consolation Prize Chaltlang PYD
Best Actor Award F. Lalruatfeli, Govt.Complex