Ngurthansanga hla thar 'Sawmfang Hmun Nuam'

Youth Icon star leh Seraphic Choir member ni bawk Ngurthansanga chuan music video thar 'Sawmfang Hmun Nuam' chu peihfelin Zonet lamah leh MDM YouTube channel-ah thlira ngaihthlak theihin a awm dawn.

Ngura hian a hmain hla pahnih a lo tichhuak tawh bawk a, Zonet Ṭhazual chart lamah pawh a che ṭha ṭhin viau nghe nghe a, tuna a hla tihchhuah thar pawh hi a chet ṭhat leh viau a beiseiawm.

He hla hi Rodingliana phuah a ni a, music chu Chda Vh kut chhuak niin Seraphic Record lamah recording chu tiin, video chu Zova Video Production a ni thung.

Ngura hian music video hi an khaw buh hmunah a shoot a, a shoot zawh tukah Covid-19 a kai tih hriat chhuah a nih leh tak si avangin an khaw pum an 'lockdown' phah hial thu a sawi a, hrileng karah hla thar, Mizo rilrem zawng tak a rawn chhawp chhuak dawn a ni a, ngaihthlak a manhla hle ang.