Benjamin Colney & Jerry Elaro Mak tak leh Hlauhawm taka Duan a hit nghal

Teaser an tihchhuah aṭangin a hla ngaithla chak an tam a, nghakhleltu an tam. Inrinni zan khan Crosspride YouTube channel-ah Benjamin Colney leh Jerry Elaro-te chuan an thawhdunna hla thar 'Mak tak leh Hlauhawm taka Duan' tih chu an tichhuak a, YouTube lamah pawh thlirtu an pung chak hle.

'Mak tak leh Hlauhawm taka Duan' hi Fakna hla ṭha tak, ṭhalai duhzawng tak niin a hla a mawi bakah music video hmuh a nuam a, thlira ngaihthlak a manhla hle.

Darkar 18 chhungin mi sing riat dawnin an thlir hman a, social media lamah status/story velah hmuh tur a tam nghal viau bawk.

"In ngainepin i beidawng ṭhin maw? Setana bawihah tang reng tur anga inngaih chang i nei em? Sualna hi hneh thei lo turin inngai suh! Ramhuaite hian an hlau zawk che asin, bumin awm tawh suh. Pathian anpui, mak tak leh hlauhawm taka duan i ni a, Kristaah engkim i ti thei zawk a ni.

"Isua hi pan la, khawvel lo ngam rawh le," tiin Benjamin Colney leh Jerry Elaro-te YouTube lamah an hla tihchhuah chungchang an tarlang.