Benjamin Sum leh K&P Record label-te'n inremna ziak

Tunlai zaithiam lar ber zinga mi Benjamin Sum leh recording studio lar ber pawl Kings & Prophets Record label chuan record deal an siam.

An inremna hnuaiah hian Benjamin Sum chuan a album hmasa ber tur a buaipui chho nghal dawn a, album pawh hi a hma thei ang bera tlangzarh an tum a, Record label lam pawhin an theihtawpin hmalakpui an tum bawk a ni.

Benjamin Sum hi Myanmar Idol 2019-ah khan pahnihna niin, Myanmar-ah chuan zaithiam lar ber pawl a ni tawh a, Mizoramah pawh fan a ngah tawh hle.

K&P Records hian kum 2018 aṭang khan zaithiam eng emaw zat inremna an lo siampui tawh a, Andrew Laltlankima, Mami Varte, Avora Records leh Jeff & Empy-te pawh an artist-ah an lo sign tawh a ni.