Box Office ; The Rock channa Rampage

Kar hmasa lawka tlangzarh, Dwayne 'The Rock' Johnson channa 'Rampage' chuan Box Office-ah sum a lalut hnem ber a, tlangzarh karah pakhatna a hauh nghal.

Rampage hi US-ah chuan film en hlawh ber a ni mek a, tunkar weekend khan $mtd 34.5 zet a lalut. North America pawn lamah pawh $mtd 114.1 zet a lalut a, a che ṭha rih hle. Hetih lai hian film director Brad Peyton chuan an beisei angin sum lakluh kawngah an che ṭha tawk lo tih a sawi a, tlangzarh karah $mtd 35-40 hmuh an inbeisei tih a sawi. An beisei hi phak chiah lo mah se, khawvel huapa an sum lakluh zat hi $mtd 148 zet a nih avangin an sum lakluh hi a turu hle tho a ni.

WWE aṭanga Hollywood luhchilhtu Dwayne 'The Rock' Johnson channa hi hit viau zel a, a inlan tawhna film-te hi sum lakluh kawngah an che ṭha tlangpui a ni. 'Rampage' pawh hi a hit nghal hle a, a siam nana budget $120 chu tuna a suam lakluh tawh zat pawh hian zat thuak a ni.

'Rampage' hian kar hmasa lama sum lalut tam ber dinhmun luahtu 'A Quiet Place' chu a khum a, roreltu a ni. Thriller film 'A Quiet Place' hian kar liamta chhung khan $mtd 32.6 zet a lalut a, Box Office

aṭanga a sum lakluh tawh zat chu $mtd 92.7 a tling tawh. A Quiet Place siam nana budget hi $17 a ni a, a sum lakluh aṭanga teh chuan film halwhtling zingah chhiar tel theih a ni.

Horror film dang Truth or Dare chu top 3-ah a lang bawk a, a sum lakluh zat chu $mtd 19.1 a ni. Ready Player One pawh sum lalut tam zingah a tel leh a, Blockers chuan a dawt. Black Panther pawhin $mtd 5.3 lalut lehin, sum lalut tam zingah atel leh. Black Panther hi Box Office-ah a lang rei ta hle a, a sum lakluh pawh $tld 1 chuang zet a tling tawh a ni.

I Can Only Imagine pawh sum lalut tam zingah a lang ve leh bawk a, tun thla tira tlangzarh 'Chappaquiddick' chuan top 10 a khar bawk.