Plastic hman titlem turin beihpui thlak

Plastic aṭanga thil siam­chhuah kan hman nasat deuh deuh avangin mi thiam te an mangang a, a hmanna titlem turin beihpui thlak a ngai ta hial mai.

Khawvel huap pawha media firm lian Sky leh National Geographic-te chuan hemi kawngah hian nasa takin hma an la a, sum pawh an seng nasa hle. Hemi atan hian scheme an duang a, plastic hmang tlem tur leh, hman hnu tuipuia paih lo turin beihpui an thlak a ni. He scheme atan hian £mtd 61.4 vel ruahman a ni a, plastic pollution nasa zel tur dolet turin theihtawp an chhuah mek a ni.

An hmalakn atan hian UK prime minister Theresa May chuan sum ngaihtuah sak an nih tur thu a sawi a, Commonwealth Head Government meeting-ah pawh thlen a nih tur thu a sawi. Ram 52 hruaitute pawhin inremna ziak a, Commonwealth Clean Oceans Alliance din an tum thu a sawi bawk.

He scheme hi thla hmasa lawk khan hawn a ni a, National Geographic Society bultumin kawng hrang hrangah hma­lakna kalpui mek a ni. He pawla an Chief Scientist Jonathan Baillie chuan, "Inthlahdah hman a ni tawh lo a, tuipui bawlhlawh zel tur veng tur leh, ṭhang leh thar lo awm zel turte hmakhua ngaia hma lak a hun tawh takzet a ni" tiin a sawi.

Kum 2025-ah chuan Sky leh National Geographic-te hian an hmalakna hian rahṭha a chhuah hman ngei an beisei a ni. Plastic chu tuipui tibawlhhlawhtu lian ber pawl a nih thu leh, a ṭawih ve theih loh avanga environemnt tana nghawng a neih len thu an sawi uar hle bawk.