John Cena - Nikki Bella ṭhenna ni a herchhuak ve ta

World Wrestling Enter­tainment (WWE) superstar John Cena leh Nikki Bella te chu kum ruk zet an inzui hnuah an inṭhen ve leh ta a, fan-te a barakaih hle.

John Cena chuan tun hnai khan an inṭhen thu hi a puang a, Nikki Bella nena an inkar chu a tawp tih a sawi. John Cena hian social media lamah chuan 'Worst Day Ever' tiin a tarlang hial. "Thutlukna siam harsa tak a ni a, nimahsela kan tana ṭha tur ngaihtuah chungin thutlukna kan siam ta a ni" tiin, thuchhuah an siam.

An inṭhen thu hi a darhchak hle a, social media lamah pah sawi zui a hlawh viau a ni. Innei mai tur anga sawi reng an nih lai a, an inṭhen thu an hriat hian fan-te chu an hawihai hle a ni. Professional wrestler pahnih hi nikum April thla-a Wrestlemania 33-ah khan an lo inhual tawh a, kuminah innei tur anga sawi an ni. Mahse tunah chuan ṭhenna biahthu an inhlan thuin a deng a tazawk a ni.