Underwood vangin ACM Award entu an pung

Nielsen Music-in a tarlan dan chuan kumina Academy of Country Music Award sem kha kum dang aiin entu an tam a, a chhan pawh Carrie Underwood vangin a nih thu an sawi.

Carrie Underwood hi hun eng emaw chen mipui hmaah a inlan tawh loh hnuin, ACM Award-ah hian a perform a, mipui ngaihven ber a ni. Nielsen Music chuan Underwood vang hian digital download sale pawh 427% zetin a sang niin an tarlang bawk.

American singer 'Cry Pretty' tih hla a sa a, lawm avangin a biangah mittui a luang hial. Underwood-i hi nikum November thlaa a chetsual hnua mipui hmaa a perform lehna hmasa berah hian mipui pawhin an lawm hle a ni.