April 24-25 chhungin 'Edu Fest' buatsaih leh dawn

Ni hnih awh tur 16th Edu Fest 2018 chu April 24-25 chhung khian Assembly House Annex Basement-I ah neih a ni leh dawn.

Edu Fest 2018-ah hian stream hrang hranga zirna-in ṭha ber ber 40 chuangin stall an hawng dawn a, he huna tel turte hi UGC/AICTE accredited vek an ni bawk. India ram chhunga medical, engineering, management, arts, science, commerce leh technical stream-a zirna-in ṭha tak takte an nih dawn avangin zirlaite tan a ṭangkai hle dawn a ni.

He hunah hian anmah­nia thawkte ngei an rawn ṭhu dawn a, a duh tan affiliation lehkhate pawh en theiha chhawpchhuah a ni ang. Abroad a zir duh tan pawh kawng a in­hawng zau hle dawn a, duh thalin zawhna neihte pawh zawh theih a ni ang. Scholarship leh educational loan hrang hrang apply duh tan pawh stall a awm dawn bawk a ni.

Edu Fest hi chawhma dar 11:00 aṭanga tlai dar 5:00 thleng hawn ṭhin a ni dawn a, nitin lucky draw a awm bawk ang. Hetah hian selfie stick, smart phone, pen drive, otg te man theih a ni dawn a, luh man a awm lo bawk. Kumin hian nilengin quiz neih a ni dawn a, tlawhtute tan lawmman man tur a awm nual dawn bawk.

Edu Fest hi Mizorama education fair rawn pulut hmasa bertu Lynchpin leh Zalen chanchinbu ṭang­kawpten an buatsaih a ni.