Amazon an lian tual tual

American electronic commerce company Amazon chuan prime subscriber maktaduai 100 an nei tling ta.

Company CEO Jeff Bezos chuan subscriber an neih belh zel thu sawiin, prime member pawh maktaduai 100 an tling tawh tih tun hnai khan a puang a ni. Bezos chuan kum 2017 kha an chetṭhat ber kum a nih thu sawiin, item tluklehdingawn nga chuang zet an hralh chhuak tih a sawi. Ama­zon Music-ah pawh paid customer maktaduai 10 vel an nei tling tawh bawk.

Nikum chhung khan ad-free music streaming service chu ram 30 chuang­ah an kalpui thar bawk a, customer pawh a let aia tam daihin an pung a ni.

Amazon-ah hian thawktu mi 541,900 vel an awm a, United States-a private company zinga hnthawk chhawr hnem lamah pahnihna a ni. Company CEO Jeff Bezos hi Forbes chuan khawvel mi hausa berah a lo puang tawh bawk.