Mystical Mizoram Ṭhazual Lengzem-ah Jenny Jathang 'Vawi 1 tal' 1-na

Mystical Mizoram Ṭhazual Lengzem chart-ah Jenny Jathang 'Vawi khat tal' chu pakhatna a ni a, Mathlenga 'A pian a mawi' chu pahnihna niin Benjamin Sum 'Chhingmitin biahthu kan hla' chu pathumna a ni bawk.

'Vawi 1 tal' 1-na
Jenny Jathang hian May thla tir lamah khan 'Vawi khat tal' hi a tichhuak a, chart-ah a lanna rei tawhin hma a sawn zel a, tunah chuan pakhatna a ni der tawh.

He hla hi Rebecca-i hla hit 'Kan khua' phuahtu Peka Fanai phuah kha a ni a, Mizote rilrem zawng tak, ngaihthlak nuam tak a ni a, a satu Jenny hian a sa mawiin a sa ngaihno bei thiam bawk a, YouTube lamah pawh thlirtu maktaduai 1.2 chuang an awm der tawh a ni.

Jenny hi a hla tihchhuah a hit ṭhin a, YouTube lamah pawh thlirtu an tam ṭhin viau a, tunah pawh hian August thla tir lama a tihchhuah 'Ni thar' pawh khan ngaihthlak a hlawh leh tawh hle a ni.

Pahnihna Mathlenga, Pathumna Benjamin Sum
Kar hmasa lama pahnihna Mathlenga 'A pian a mawi' chu pahnihna a rawn ni ta a, chart tihchhuah leh huna a dinhmun tur hriat a chakawm tawh viau mai.

Pathumna chu tunlaia lengzem artist lawm hlawh ber pawl Benjamin Sum niin a hla hit 'Chhingmitin biahthu kan hlan' chu pathumna a rawn nihpui tawh a, he hla hi chu pakhatna a la nih ngei pawh a rinawm.

Chart a 'hot'
Ṭhazual Lengzem chart-a langte an ṭha rual ṭhe ṭhaw hle. Siampuii Ralte chuan 'A her leh ngei ang' chu palina a nihpui a, pangana chu JT Productionniin 'Pialralah tal' hmangin top 5 a khar.

Chart top 10-ah hian zaithiam lar tak tak hlir an lang a, R Lalruatkima chu parukna niin Sangkimi Khiangte, Keimah Senes, Tlangval Tlumtea X Lil Me, Marina Varte leh Manuna-te pawh top 10-ah an lang a ni.