Chris Tomlin album thar ‘Emmanuel: Christmas Songs Of Worship’

Grammy award hial pawh lo dawng tawhtu, Gospel singer lar Chris Tomlin chuan Zirtawpni liam ta khan Krismas album ‘Emmanuel: Christmas Songs Of Worship’ a tlangzarh.

‘Emmanuel: Christmas Songs Of Worship’-ah hian hla 12 a awm a, streaming platform hrang hrangah ngaihthlak tur awm tawhin November 19-ah hian vinyl-in a tlangzarh leh dawn bawk a ni.

Tomlin hian a album tharah hian mi hrang hrang a thawhpui a, chung zingah chuan We The Kingdom, Cece Winans leh Matt Redman-te pawh an tel.

"Krismas season-ah hian a chhevelah kan thamral fo ṭhin a, thilpek leh zinkual leh thildangah kan rilru zawng zawng kan pe ṭhin, mahse, Krismas rimawi ka ngainatna chhan em em chu a hun kan hman chhan ber min hriat chhuah tir ṭhin avangin, kan Chhandamtu lo pianga chu," tiin Chris Tomlin chuan a album thar chungchang a sawi.

Emmanuel: Christmas Songs of Worship-a hla awm te:-
1. Emmanuel God With Us
2. Christmas Day (with We The Kingdom)
3. All The World Awaits (Hosanna)
4. Hallelujah (with Blessing Offor)
5. I Heard The Bells on Christmas Day
6. His Name is Wonderful
7. O Come, O Come Emmanuel
8. Hope of Israel
9. O Holy Night (with CeCe Winans)
10. Crown Him (Christmas) (with Matt Redman)
11. O Little Town of Bethlehem
12. Crown Him (reprise) (with Matt Redman)