Walk Thon a hlawhtling

Miss India thlanna atana Miss India Mizoram Lily Lalremkimi Darnei project pakhat 'Walk Thon' chu Inrini zing khan neih a ni a, mi 300 vel an tel.

Walk Thon-a tel te hi Aizawl DC Dr. A Muthamma chuan zing dar 6:30-ah Vanapa Hall aṭangin a vailiam a ni. Vanapa Hall aṭang hian Millennium Centre panin an kal a, MC kawtah inkhawm tawi buatsaih a ni. He hunah hian Dr. Jane R. Ralte leh Dr. K. Lalfakzuala ten thu an sawi a, Miss Mizoram 2017 Rody H. Vanlalhriatpuii pawhin thu a sawi bawk.

He hun buatsaihtu Lily Lalremkimi Darnei chuan vote of thanks sawiin, 'Walk Thon' chu Miss India thannaa 'Beauty with a Purpose' project a ni, a ti. Thupui atana thlan 'Awareness on Tobacco - Related Cancers' chu thil pawimawh tak a nih thu sawiin, a hlawltlin theih nan ṭawiawmtute zawng zawng chungah lawmthu a sawi bawk.