Kardashian unauin dawr an khar!

Kim Kardashian West chuan US khawpui hmun hrang hranga an dawr te chu an khar tih a puang.

Kim, Khloe leh Kourtney Kardashian te hian New York, Los Angeles leh Miami-ahte dawr eng emaw zat an nei a, mahse hengte hi khar tumin hma an la niin thu a thang. Hemi chungchang hi Kim Kardashian chuan rawn sawifiahin, mimal thilah an buai hlawm em avangin DASH store-te hi khar an titlu ta tih a sawi.

Kum 37 mi Kim chuan New York-a an boutique chu December 2016 khan an lo khar tawh tih sawiin, Los Angeles leh Miami a mite pawh khar a ni ve leh ta tih a sawi. 'Keeping Up with the Kardashians' star chuan, "Kum 2006 aṭang khan bul kan ṭan a, min duhsakna azarah hlawhtinna tam tak kan chang a ni. Mahse hun a lo kal zel a, mahni tawka kan buai tlan em avangin ngaihtuhna dang hman a ngai ta a ni.

DASH employee-te chungah kan lawm a, min dauksaktute chungah pawh lawmthu kan sawi a ni" tiin Ningani khan a tarlang.