Ṭhazual Fakna ; Dinhmun sangah - Zorinsanga Sailo

Praise On 2016-a pahnihna Zorinsanga Sailo chu kuminah hla thar nen a lo kir a, a thiam ala theihnghilh lo tih a lang. Tun ṭum Ṭhazual Fakna chart-ah hian 'Min hual reng ṭhin' tih hla hmangin dinhmun sang ber a luah.

He hla hi zai thiam Amtea Chhakchhuak lehlin niin, tunlai fakna hla thlan hlawh ber a ni. A hla thu a ṭhain ngaithlak a nuam a, pakhatna a hauh pawh hi a mak lo. Music video hi Adrew Biaknunga kutchhuak niin, recording hi Kings & Prophets siam a ni thung.

Tun hi chart-a dinhmun sang ber a luah ṭum khatna a ni a, 'Ka hmangaih hma pawhin' tih hla hmangin top 5-ah a lo inhlangkai tawh thung. Ramhlun North tlangval Zorina hian music video pali a tichhuak tawh a, 'Min hual reng ṭhin' tih hi kumina a tihchhuah awm chhun a la ni rih.

Tun ṭum hian chart hma­sa lama pakhatna hauhtu Lal­hma­ngaihzuali (Nunui) chu pa­hnihna a ni ve thung. Nunui pawh hian a hla 'Min kian san suh' tih chu a hlawhtlinpui hle a, chart-ah pawh a zawnin pakhatna a hauh thei a ni. Pathumnaah hian Idol star Bka a awm ve thung a, 'Vanram' tih hla hmangin chart-ah a hmel kan hmu rei ta viau bawk.

Aizawl Venglai KṬP, Mika Group chuan 'Krawsah chuan famkim i ni' tih hla hmangin palina an hauh a, Seraphic Choir te chu top 5-ah an lang bawk.

MDM Various Artist ten C. Sanga hla phuah, amah hriatreng nana an sak 'I chakna ringin' tih chu parukna a ni. Hun eng emaw chen hnuah One In Christ pawh an inlar ve leh ta a, an hla thar 'Thiltihtheihna' tih hmangin top10-ah an inhlangkai leh tawh a ni. Isak Lalhmingliana Pachuau leh Daisy Lalbiaknungi te an lang bawk a, 'An fak ning lawng' tih thiam taka satu Cindy, Arini leh Mapuii ten chart an chhuahsan thei meuh lo bawk.