Elvis Presley poster an hralh to
American singer Elvis Presley poster chu lilam a ni a, a man an chhiar zat let aia tamin an hralh hem mai!
Presley poster hi kum1955-a Raleigh, North Carolina-a show a neih ṭuma mi niin, $42,500 zetin hralh a ni. Poster lilamtu Heritage Auction chuan he poster hi $20,000 velin an hralh theih an beisei tih an sawi a, mahse rin phak bakin hlut a hlawh tih an sawi. Hetih rual hian he poster hralhtu leh leitu hi an tarlang lo thung a, a leitu hi chu California lam mi a nih thu an sawi.
He poster hi Hatch Show Print siam niin, Presley bakah hiam American-Canadian musical artist Hank Snow, Faron Young leh midangte perform lai a lang a ni.