Kanye West-a'n album pahnih tichhuak dawn
Kanye West chuan ablum thar pahnih tichhuah tumin hma la mek a, May thla tawp lam khi chuan tihchhuah hman a beisei.
Mahse aman album a tichhuak dawn tihna lam a ni lo a, a record laber G.O.O.D. Music-in midang album an tichhuak zawk dawn a ni! Kanye West hi G.O.O.D. Music-ah hian commander-in-chief a ni a, a ṭhian hnai tak pahnih - Pusha T leh Teyana Taylor te chu May leh June thla khian a tichhuah sak dawn a ni.
New York khawpuia awm G.O.O.D. Music hi kum 2004-a a din tawh kha niin, album eng emaw zat a lo tichhuak sak tawh a ni. King Pusha album hi May 25 khian tichhuah a ni ang a, June 22 khian Taylor album hi a tichhuak ve leh dawn a ni.
Tun hnaia Twitter khawih thar ve leh Kanye West chuan Kid Cudi nen thawkdunin album an buaipui mek tih a sawi bawk a, June 8 khian tihchhuah an tum a ni.