Coachella festival a ṭiak ta

US-a music festival lian leh ngaihlut ber pawl Coachella Valley Music and Arts Festival chu nizan khan a ṭiak ta.

Coachella festival hi Empire Polo Club, Indio, California-ah April 13-22 chhung khan neih a ni a, zaithiam lar tak tak an inlan.

Zirtawpni khan Ariana Grande chu a inlan a, a hla thar 'No Tears Left To Cry' a sa. A hla thar hi Zirtawpnia a tlangzarh kha niin, festival-ah hian a sa nghal a ni. Hei hian festival chhimtute pawh a barakhaih hle a, thawm pawh a ṭha hle. A perform hi social media lamah pawh a darh nasa hle a ni.

American singer Beyoncé Knowles chu Coachella music festival-a perform zinga record siam langsar a ni a, a perform chu entu tam chak lamah record thar a ni. Festival chhimtu Jennifer Hudson pawhin Beyoncé nena an thlak dunna chu social media lamah a vawrh lar hle.

Coachella Valley Music and Arts Fes­tival hi nikum khan mi maktaduai 24.5 velin an en a, kuminah hian mi maktaduai 41 velin an en anga chhut a ni.