Sawmtea hla thar 'Ka tan I hlu'

Mizo gospel singer kan neih ṭhat ber zinga mi Sawmte Chhangte chuan music video thar 'Ka tan I hlu' a tihchuak.

Zai tura sawm hlawm em em Sawmtea music video thar hmuh nuam tak hi Zonet Cable TV lamah leh MDM YouTube channel lamah a en theih reng tawh.

'Ka tan I hlu' tih hla hi Mizo rilrem zawng tak, lungkuai tak a ni a, Sawmtea hian a sa thiamin ngaihthlak a manhla hle. Pathian aia hlu thildang an awm loa, Pathian chungnun zia leh engkim bul leh tawp a nihzia pholanna hla mawi tak a ni.

He hla hi Manuni phuah a ni a, recording chu Princeton records kut chhuak niin Chiangtea'n video a siam thung.

"He hla hi a demo ka hriat hmasak ber aṭang khan ka duh nghal em em a, ka rilruah a cham reng maia, sak ngei ka duha, a phuahtu hnen aṭangin lawm takin ka lei ta a ni. Jla phuahtute hnen aṭanga hla kan lei ṭhinte hi hlu ka ti em em a, kut hah mante mumal zawka a awm ve ta leh talent-te hlu lehzuala a awm mek hi lawmawm ka ti. I uar chhunzawm zel ang u," tiin Sawmtea chuan a hla thar chungchang hi a sawi.

Sawmtea hian Krismas hla pawh a buatsaih leh mek a, kumin chu Sawmtea project kan hmu nual dawn niin a lang.