Avicii chhungten thuchhuah an siam

Tun hnaia Oman khawpui Muscat-a thi-a chhar Swedish DJ Avicii chhungte chuan thuchhuah siamin, an mahni lainata duhsaktute chungah lawmthu an sawi.

An thuchhuahah chuan, "Tim Bergling chunga van­duaina thleng hi pawi kan ti tak zet a, min tuarpuitu mi tam tak in awm tih kan hriatin kan thla a muang a ni. Min duhsaktute chungah lawmthu kan sawi a, Coachella music festival-a amah sunna hun hman a nih avang khan thinlung takin lamwthu kan sawi a ni" tiin an tarlang.

Hetih lai hian Avicii thih chhan hi puanzar a la ni lo a, a thihchhanah hian inhnamhnawih an awm hriat a nih loh thu erawh tarlan a ni. Swedish DJ hi EDM huanga mi langsar tak takten an uithu an sawi a, chung zingah chuan Diplo, Calvin Harris leh Deadmau5 te pawh an tel. Anni bakah hian music khawvela mi chal lang tak takin an uithu an sawi uar hle bawk.