Fela Colney music video tichhuak

Fela Colney chuan a vawi khat nan music video a puitlin ve ta a, a hla hi 'Ka hmangaih che Grace' tih a ni.

7th String vocalist Fela Colney hian ama pualin music video a la tichhuak ngai lo a, tunah erawh local channel lamah a zai ngaithlak tur a awm dawn ta a ni. Amah hi hla hlui leh larsa sa thiam tak niin, tuna a hla pawh hi Mizo rilrem zawng tak a ni. Music hi an band Guitarist Hruaia CZ siam niin, video hi Te-a Video Production kutchhuak a ni thung.

Fela Colney music mideo hi MDM Library-ah dah luh a ni tawh a, hun reilo­teah Zonet lamah tih chhuah beisei a ni.