Apple-in Ed Sheeran 'Songwriter' documentary an lei

Apple company chuan Ed Sheeran 'Songwriter' docu­mentary chu an lei tih Bill­board chuan an puang.

New York khawpuiah Thawhṭanni khan Tribeca Film Festival neih a ni a, English singer documentary hi lilam a ni. Apple chuan khawvel hmun hrang hranga he document chhuah theihna 'right' chu an lei a, an inrem thu pawh puan nghal a ni. He documentary-ah hian Ed Sheeran-a'n al­bum a buaipui dan te, music khawvela a larchhuah dan hrang hrang tarlan a ni.

Murray Cummings kut­chhhuak 'Songwriter' hi thea­ter-ah tlangzarh tura ruahman niin, Apple multiple platform-ah tihchhuah a ni bawk ang. A teaser hi February thlaa Berlin Film Festival-ah khan tihchhuah a lo ni tawh a, Tribeca Film Festival-ah pawh hian tarlan leh niin, ngaihven a hlawh nghal viau.

Khavel hriata a inpho­chhuah dan te, ziathiam lar hrang hrangte nen bul an ṭan chhoh dante pawh tarlan a ni. Chung zingah chuan Taylor Swift-i'n mi 90,000 lenna Wembley Stadium-a mipui leng lo khawpa concert hlawhtling a neih theih nana a puihna leh, leh Justin Bieber a thawhpuina te pawh a tel a ni. He documentary-ah hian songwriter a nihna chu tarlan ber a ni.