Earth Day 2018

Kum tin April 22 hi Earth Day atan hman ṭhin a ni a, kuminah pawh khawvel hmun hrang hrangah hman leh a ni.

Earth Day hi kum 1970 khan a vawikhat nan hman a ni a, hman zui a la ni ta zel a ni. United Nations chuan Aprill 22 hi International Mother Earth Day-ah a puang a, hemi denchhen hian mi tam tak chuan kawng an zawh a, thing an phun bakah environment hum­halhna turin hma an la ṭhin.

US-a khawpui pakhat Reno-ah chuan hemi pual hian Idlewild Park-ah mi tam tak an pungkhawm a, lei lung humhalh zel a pawimawh zia an tarlang nasa hle. Mi 30,000 zet chuan workshop, infiamna leh thil chi hrang hrang buatsaih hi an chhim a ni.

Kuminah hian thupui atan plastic aṭanga bawlhlawh siam chhuah tih tawp chu thlan a ni a, he lam hawi hian zirtirna hrang hrang kalpui a ni. Mithiamte chuan plastic hi leilung tibawlhhlawhtu lian ber te zinga mi a nih thu leh, a bikin tuifianriat tibawlhhlawhtu bulpui ber a nih thu an sawi uar hle. Hetiang renga plastic hman kan uar chho zel a nih chuan mihring leh luia cheng nungcha tan a la pawi thei hle dawn a ni, an ti..

Hetih rual hian tun thlenga Environmental Protection Agency din a la ni lo te, Clean Air Act emaw Clean Water Act siam a la ni lo chu leilung hmangaihtu inti tam takte vui leh vaina a ni thung.