Cancer Screening Mela-ah Miss Mizoram & Miss India Mizoram
Health Deparment leh Public Health Foundation of India (PHFI) ṭangkawp chuan April 24, Thawhlehni khan Kolasib Diakkawn YMA Hall-ah Cancer Screening Mela an buatsiah a, he hunah hian Miss Mizoram 2018 T. Ramthanmawii leh Miss India Mizoram Lily Lalremkimi Darnei-te an tel.
Mela hi cancer nantna chungchang mipuite hnena hrilhhriatna atana buatsaih niin, tel pawh an ṭhahnem hle a ni. Miss Mizoram Thanthani chuan he hunah hian thu sawiin, "Mizoram chu India rama cancer hluarna ber state kan ni hi a pawi takzet a ni" a ti. Cancer chu hmuhchhuah hmaa tihdam theih a nih rualin, Mizo mipui 1,600 velin kum tin an la thihpui chu pawi a tih thu a sawi. He hunah kal khawmte chu cancer dona kawngah ṭan la leh zual turin a fuih bawk.
Cancer Screening Mela-ah hian Miss India Mizoram Lily Lalremkimi Darnei pawh a tel a,Lily hian Miss India thlanaa Beauty With a Purpose project atan hma a la zui zel. Lily hian June thlaa Miss India thlannaah Mizoram ai a awh dawn a ni.