Kanye West-a'n politics lam a hawi?

Politics rawngkai sawi chhuak zauh zauh Kanye West chuan tun hnai khan social media lamah post a siam leh a, hei vang hian mi tam tak chuan a luhcilh mai an ring hial.

American rapper hian Thawhṭanni khan twitter-ah "Keep Ameri­ca Great Again" tih a post a, hashtag-ah 'Kanye2024' tih a dah. A thu post hi a hnu lawkah a paih leh nghal a, mahse mi eng emaw zatin an lo hmuh hman avangin a insawi fiah ngei a ngaih hmel ta hle. A fan-te chuan politics luhchilh a tum niin an ngai a, 2024 a tarlan tel avangin hemi kum hi an tinzawn thawr bawk.

West hi US president thlan dawn khan Trump Tower-ah president ni zui ta Donald Trump nen pawh an lo inkawm tawh an ni a, Trump-a thlawptu zinga mi a ni. Hei vang hian politics lam a sawi ri fo pawh hi mi tam tak chuan mak an ti lo a, a luhchilh ve mai an ring a ni.