Billboard Music Award-ah BTS an che dawn

Billboard Music Award chu May 20 khian MGM Grand Garden Arena, Las Vegas-ah sem a ni leh dawn a, he hunah hian South Korean boy band lar BTS te chu an perform dawn.

K-Pop king BTS te inlan tur thu hi tun hnai khan puan a ni a, fan te an phur tawh hle. Asia mai ni lo khawvel huap pawha band lar ber pawl an nih avangin, thawm pawh a nei ring nghal hle. Award semnaah hian hla thar an tichhuak nghal dawn nia tarlan a ni bawk a, an hla thar tur hi "We are so excited" tih a ni.

BTS bakah hian zaithiam dang perform turte pawh puan niin, Dua Lipa, Shawn Mendes leh Camila Cabello te chu an zai dawn tih a chiang tawh. Zai tur dangte pawh la puan leh tur a la ni.

Billboard Music Award dawng thei tura chawpchhuah zingah hian - Kendrick Lamar, Ed Sheeran leh Cardi B te an langsar hle.