Billboard Music Award-a perform tur Camila Cabello

Billboard Music Award chu May 20 khian sem a ni leh tawh dawn a, perform tur zingah Camila Cabello a langsar hle. Ani bakah hian tunlaia boruak nei lian tak Shawn Mendes leh Dua Lipa te pawh inlan tur zingah an tel.

Award ceremony hi T-Mobile Arena, Las Vegas-ah neih tur a ni a, a boruak pawh a hot ṭan viau tawh. Camila Cabello, Shawn Mendes leh Dua Lipa te hi Billboard chart-ah an mikhual lo hle a, Billboard Hot 100 chart-a lang thei hla paruk zet an nei.

Mendes hla 'In My Blood', Cabello hla hit - Never Be the Same leh Young Thug nena an sak Havana te chu chart-ah hian an thleng sang hle.

Dua Lipa pawh a duai lo a, a hla 'New Rule' leh Calvin Harris nena an tichhuah 'One Kiss' te chu chart-ah hian a thleng sang pawl an ni.

Cabello hian kuminah award pathum a hui tawh a, tun ṭumah pawh hian a dawn leh ngei a rinawm.Hetih lai hian Mendes erawh top social artist category-ah Korean boy band lar BTS te nen an awm ho a, K-pop superstar hian nikum lamah an lo dawn tawh bawk avangin an dinhmun a ṭha viau bawk.

Billboard Music Award-a perform tur ṭhenkhat hi puan ni tawh mah se, puan kim a la nih loh avangin perform tur hriat kim a la ni lo.