Shania Twain-i'n ngaihdam a dil

Canadian veteran singer Shania Twain chuan kum 2016-a US president thlannaah khan vote thlak thei ni se chuan Donald Trump a vote tur thu a sawi a, mahse a hnuah ngaihdam a dil leh nghal.

UK Guardian newspaper chuan tun hnai khan Shania Twain hi an kawm a, he thu hi a sawi a ni. Twain chuan, "Kum 2016-a US president election-ah khan vote thlak thei chu ni ila, Trump ka vote ngei ang, amah hi mi rilru ngil tak a nih ka ring" tiin a sawi. A thusawi avang hian mi tam takin an dem a, amah pawhin ngaihdam a dil leh hnuhnawh hial. Thupha chawina twitter-ah a tarlang a ni.

Hetianga a chunga fan te an lungawi loh lai hian chanchin duhawm a nei ve leh thung a, Canadian Country Music Award a host dawn tih puan a ni. Award hi September 9 khian kudosfest, Hamilton-ah sem a ni dawn a, Twain chuan a phur tawh thu a sawi. He hunah hian country music-a a thawh hlawk avangin Generation Award hlan a ni dawn bawk.

Hei bakah hian Canadian country singer hian hun eng emaw chen hnuah album tihchhuah tumin hma a la leh mek a, tour pawh a nei leh dawn nia tarlan a ni.