Hunthar-in Pro Volleyball League champion lawm dawn
Hunthar veng chuan a zawna MVA hnuaia Volleyball intihsiakna lian ber, Pro Volleyball League 2017 leh 2018-a an champion lawmna leh lawmthu sawina hun chu zanin dar 8:00 hian Chanmari, YMA Hall-ah an nei dawn.
Hei hi Hunthar Volleyball Club, Local Council, YMA, MHIP leh MUP ṭangkawpten an buatsaih niin, he hun hmanpui tur hian MVA hruaitu, Pro Division Club hrang hrang, Hunthar Volleyball Club player leh hruaitu lo ni tawhte sawm an ni. Hunthar veng mipui bakah, hmun hrang hranga Hunthar Volleyball Club ṭan tute an sawm bawk.
Lawmthu sawina inkhawmah hian ‘Halleluia, Lalpa’n thil ropui min tihsak e’ tiin zaihona hun buatsaih a ni dawn bawk. Hemi rual hian Hunthar veng chhunga sports discipline danga chawimawi phute chawimawina hun neih an tum bawk.
He hunah hian zaithiam lar Zoramchhani, Feli Fanai, DJ Lalvenhimi leh Rpa Ralte te chuan kalkhawmte zaiin an awi dawn a ni.