MZI leh MDM-te'n inchhunfin dan tur an ngaihtuah

Mizorama Cable TV lian pahnih ZONET leh LPS kaihhruaiin zaithiam pawl pahnih Mizo Zaimi Inzawmkhawm (MZI) leh Music Domain Mizoram (MDM) chuan pawl pakhata inchhun fin dan tur niminah khan LPS Office-ah an ngaihtuah.

Cable TV pahnihte aiawh bakah zaithiam pawl pahnih aiawhte ṭhukhawm hian zaithiam pawl pahnih awm chungchang an thlir ho a, pawl pakhata inchhun fin dan tur an sawi ho a ni.

MZI leh MDM hruaitute chuan pawl pakhata inchhunfin ṭha an tih thu an sawi a, inchhunfin tura thil pawimawh hrang hrang pawh sawi ho nghalin, Cable TV neitu LPS leh Zonet lam pawhin MZI leh MDM chu inchhunfin dan tur ngaihtuah turin an ngen ve bawk.

Inbiakna an neihah chuan Music Library chungchanga rel zui ngai la awm chu MDM leh MZI-te'n an pawl chhungah engtianga kalpui tur nge tih lo ngaihtuah chhunzawm turin an inchah a, Inrinni lo awm turah hian MDM leh MZI lam thukente chu an thlirho turin an ṭhukhawm leh dawn a ni.

Nimina inbiakna hi LPS neitu Lalsawmliana Pachuau chuan a kaihruai a, Zonet Director LV Lalthantluanga bakah MDM leh MZI hruaitute an tel a ni.