Guns N' Roses EP thar nakkumah

30th September, 2021

Hard Rock legend Guns N' Roses chuan nakkumah hian EP thar 'Hard Skool' an tlangzarh dawn.

'Hard Skool' EP-ah hian hla pali a awm dawn a, nakkum February 25 hian an band online dawr kaltlanga hralh chhuah an tum a ni. CD mai bakah Vinyl leh Cassette-in an tlangzarh dawn a, tunah hian pre-order hun an hawng der tawh.

He EP-ah hian ni ruk liam taa single-a an tihchhuah, EP title 'Hard Skool' bakah thla khat vel liam taa an tihchhuah 'ABSUЯD'-te kha a awm dawn a, heng hla pahnih bakah hian Don't Cry (Live) leh You're Crazy (Live)-te an dah tel dawn bawk.

Guns N' Roses hian studio EP pakhat an tichhuak tawh a, compilation EP erawh pahnih tichhuak tawhin 'Hard Skool' hi a pathumna tur a ni. Studio album paruk lai an tichhuak tawh thung.