'No Time to Die' an 'premiere' ta

James Bond film thar ber 'No Time to Die' chu US-ah la tlangzarh lo mah se Thawhlehni khan Royal Albert Hall, UK-ah premiere a ni ta. US lamah erawh October 8-ah tlangzarh a ni dawn chauh thung.

'No Time to Die' hi tlangzarh hun tura ruahman aia thla 18 zeta tlaiah hripui leng vangin tlangzarh a ni a, The Duke and Duchess of Cambridge bakah Prince of Wales and Duchess of Cornwall-te pawh Daniel Craig-a 007 film tawpna ber entur hian an kal.

He film hi naktuk lamah UK-a theatre hrang hranga en theih turin tlangzarh a ni tawh dawn a, he film en chak hian Thawhṭanni khan ticket 175,000 chu an hralh der tawh. Kum 2019-a Aveng ngers: Endgame hnua ticket pre-booking tam ber ṭum a nih thu Cineworld pawhin an sawi.

James Bond film 25-na 'No Time to Die' hi $mtd 250–301 vel zet senga an siam a ni a, critics lam pawhin an fak nghal hle. Rotten Tomatoes lamah review thei 36 chiah an la awm a, chung ho chuan fak tlangpuiin rating pawh 7.9/10 a hmu pha a ni.