MTV Movie and TV Awards sem hun sawn

Kumin hian MTV Movie and TV Awards sem kan hmu thei dawn em tih a chiang ta lo a, hripui leng vangin a buatsaihtute chuan tiam chin awm loa an sawn hlat thu an sawi.

Mi ṭhenkhat chuan December-ah sem a ni mai thei tih sawi mah se hemi chungchangah hian tumahin thuchiang an la sawi thei bik lo.

Ceremony ṭhenkhat chu 'virtual' a buatsaih ni mah se MTV Movie and TV Awards buatsaihtute hi chuan chutiang lam chu an hawi ve lo niin Variety chuan an tarlang a, December-ah erawh sem hman hram an tum niin an tarlang thung.