Bill Cosby Thiam loh chantir a ni

American stand-up comedian Bill Cosby chu mipat hmeichhiatna lamah hmingchhiatna a neih avangin a chungthu ngaihtuah a ni a, thiam loh chan tir a ni.

Cosby hi kum 10 aia tlem lo lungin tang thei dinhmunah a ding mek a, $25,000 a chawi dawn bawk.

Bill Cosby hi hmeichhe tam tak lakah mawi lo taka cheah puh niin, a chungthu hi Nilaini leh Ningani khan ngaihtuah a ni. A thubuaiah hian thiam loh chantir niin, dinhmun khirh takah a ding mek.

Cosby hian kum 2004 khan Temple Univer­sity emplo­yee An­drea Constand chu Phila­delphia-a a chenna inah mawi lo takin a khawsak pui nia sawi a ni. Hei hi a thubuai inṭanna pawh a ni a, hei bakah hian hmeichhe dang eng emaw zat lakah pawh hming­chhiatna a nei bawk.

Constand hian kum 2005 khan Cosby hi a khing a, an thubuai hi a tawp mai lo. Kum 2006 khan Cosby hian Constand hnenah hian a thubuai tihtawp nan $mtd 3.4 zet a pe niin an tarlang bawk. Mahse Cosby hi tun hnaiah thiam loh chantir a nih tak avangin a chungah hremna hi lek a ni dawn ta a ni.

Hetih lai hian Asso­ciated Press chuan Cosby-a'n hmeichhia a khawihte hi an nihna a la puang zar lo a, mi lar tak takte pawh an tel nia sawi a ni.

Cosby hian a hri­selna din hmun ṭha lo chhuanlamin bail a dil a, mahse Judge Steven O'Neill chuan phal sak lo turin a ngen ve thung.

Montgomery County District Attorney Kevin Steele pawhin Cosby chu mi hausa tak, mahni puala Thlawhtheihna pawh nei a nih avangin hmun dang a pan a hlauh­thawnawm niin a sawi ve bawk.