Prince Harry ṭhiana ṭang tur Prince William
Bristish lal tupa Prince Harry chuan May 19 khian nupui a nei dawn a, tunge ṭhianah a hman ang tih chu zawhna a ni. Mahse tunah chuan engkim a chiang tawh a, tudang ni loin a unaupa Prince William ngei mai chu ṭhin atan a hmang dawn.
Prince Harry hian American actress Meghan Markle nen an inneih huna ṭhian atan Prince William hi a sawm a, William chuan a lo pam sak. Kensington Palace chuan, "William hian a unuapa Harry-a sawmna chu lawm takin a pawm a ni" tiin, Ningani khan an tarlang. William leh Harry te hi an nupui neih niah ṭhian atan an inhmang tawn dawn tihna a ni.
Prince William hian kum 2011-a Kate Middleton nen an inneih khan Harry hi ṭhianah a lo hmang tawh a, Harry hian a hmang let ve leh thung dawn a ni.
Prince Harry leh Meghan Markle te hi St. George Chapel, Windsor, Lodon-ah an inkutsuih dawn a ni. Sydney Morning Herald chuan an inneih huna zanriah kil tur hian mi 600 sawm an nih thu leh, Frogmore House-a hun an hman zui turah mi 200 te chu a bika sawm an nih thu an tarlang.