US Grand Prix-a perform tur Britney Spears & Bruno Mars

Zaithiamte tel lo chuan programmee lian tham a buatsaih theih loh a ni ber a, chu chu Formula 1 United States Grand Prix tlan tura Britney Spears leh Bruno Mars inlan tur hian a tichiang mai awm e.

U.S. Grand Prix hi October-a tlan tur niin, Bruno Mars leh Britney Spears te chu circuit-ah an inlan ve dawn. Chak tak takin lirthei an khalh ve dawn tihna lam erawh a ni lo a, a vuak hot nan leh mipui hip nan an zai dawn a ni. Mars hi October 20-ah a perform dawn a, a tukah Spears a che ve thung ang.

Hemi atan hian ticket pawh hralh chhuah a ni ṭan der tawh a, a boruak a lian viau dawn. A buatsaihtu tur lam pawh an phur tawh hle a, Bruno Mars leh Britney Spears te perform tur avang hian inbuatsaihna pawh ṭha zawka kalpui an tum thu an sawi.

Formula 1Grand Prix-ah hian tun hma lamin Justin Timberlake leh Taylor Swift te pawh an lo inlan tawh bawk.