Miss Zofa International R. Lalhmangaihpuii

Lelte Weekly buatsaih Miss Zofa International 2018 chu zawhfel a ni ta a, Zobawk, Lunglei District nula R. Lalhmangaihpuii chu Miss Zofa International atan thlan a ni.

Miss Zofa thlanna hi kar kal ta Zirtawpni khan MZU Auditorium-ah Grand Finale neih a ni a, R. Lal-hmangaihpuii chhing zo an awm lo.

Miss Zofa International hian lawmman pawisa fai Rs. 3,00,000 leh car thar a dawng a. 1st Runner Up chu Zomuankimi, Aizawl District niin, 2nd Runner Up chu Manipur aṭanga lo kal Rocy Niangbiakmawi a ni thung. 1st Runner Up leh 2nd Runner Up-te hian Rs. 1,50,000 leh Rs 1,00,000 an dawng a, 3rd leh 4th Runner Up-ten Rs 50,000 leh Rs 30,000 an dawng bawk. Top 5 bakah hian a tel zawng zawng hnenah Rs 10,000 ṭheuh hlan an ni bawk.

Grand finale-ah hian top 10 thlan chhuah an ni a, anni hian ziakin zawhna inang an chhang a ni. Heta ṭang hian top 5 thlan chhuah leh niin, Judge-ten zawhna an zawt leh a ni.

Zawhna hrang hrang zawh an nih hnuah Zobawk nula R.Lal­hmangaihpuii chu chungnung berin Miss Zofa International hmasa ber atan thlan a ni ta a ni.

Sub-title hrang hrang sem nghal a ni bawk a, Best Costume atan B Lalthuthlungthari Sangau, Lawngtlai chu thlan a ni. Best Gown chu J. Van­lalhlani, Lunglei niin, Miss Perfect atan Panieli Darlong, Tripu­ra chu thlan a ni. Haflong nula Roselyn Nivarmawi hennah Miss Conginiality hlan a ni a, Miss Photogenic chu Madeleine NC Lalrinawmi, Siaha a ni.

Miss Personality atan R.Lal­hma­ngaihpuii, Zobawk thlan a ni a, Miss Multimedia chu Rocy Niangbiakmawi, Manipur a ni.

Miss Talented sub-title chu Rebecca Neihsial Vai­phei, Shillong hnenah hlan a ni bawk. Sub-title hian lawmman Rs 20,000 theuh a keng tel a ni.