Pulitzer Prize a dawn hnuah Kendrick Lamar album hralh a kal

American rapper Kendrick Lamar chuan US khua leh tuite hnena Columbia University-in chawimawina sang pek ṭhin, Pulitzer Prize a dawn hnuah a album 'DAMN' chu hralh a kal phah hle.

Pulitzer Prize hi April 16 khan sem a ni a, Lamar hian music huangah he chawimawina hi a dawng a ni. Award a dawn hnu hian nikum April 14-a a tichhuah 'DAMN' hi hralh a tla sawt a, a punna hi 236% zet a tling.

Nielsen Music-in a tarlan dan chuan kar liam ta chhung khan copy 11,000 hralh a ni. Internet lamah pawh mi maktaduai 26.9 zel zetin an stream a ni. 'DAMN' hi Kendrick Lamar studio album palina niin, Billboard chart hrang hrangah pawh a thleng sang hle.