Enola Holmes 2-ah Helena Carter kan hmu leh dawn

'Enola Holmes 2'-a inlan leh tur zingah Helena Bonham Carter a tel.

'Harry Potter' star kum 55 mi Bonham Carter hian a role ngai, Enola nu Eudoria Holmes lemah a chan chhunzawm dawn a ni.

'Enola Holmes 2' chungchang hi sawi rika a awmna a rei tawh a, Enola lemah Millie Bobby Brown a chang leh dawn tih pawh tarlanna a awmna a rei leh deuh tawh. Enola's jiu-jitsu zirtirtu Edith lemah Susan Wokoma pawh a inlan leh dawn niin 'The Wrap' chuan a tarlang bawk.

David Thewlis, bakah 'Dune' actress Sharon Duncan-Brewster-te chu 'Enola Holmes 2'-ah hian an hmel kan hmu thar dawn bawk a, tu lemah nge an chan dawn tih erawh tarlan a la ni lo.

Sherlock Holmes lemah Henry Cavill a chang leh dawn tih a chiang tawh a, Harry Bradbeer bawkin a direct leh dawn a ni.

'Enola Holmes' hi nikumah khan Netflix-ah tlangzarh a ni a, a tirah tak chuan Warner Bros. Pictures lamin theatre-a tihchhuah tura an ruahman ni mah se hripui nasa taka a len avangin streaming platform lamah an tlangzarh a ni. Netflix film en hlawh ber a ni a, tlangzarh a nih aṭanga kar li chhungin chhungkaw maktaduai 76 vel laiin an en angin an chhut hial!