He Turkish pa pakhat hian amah leh amah zu han inzawng a!

Turkish pa pakhat, kum 50 mi, Beyhan Mutlu chu Thawhlehni khan a chhungte'n darkar eng emaw zat an biak pawh theih loh avangin zawn a ni a, amah zawngtu zingah chuan amah ber chu a tel ve tlat mai!

Mutlu hi Bursa province Inegöl district-a cheng a ni a, a ṭhiante nena an chhuak chu zu rui chungin ramhnuaiah a kal a, chumi hnu chuan a chhungte'n an be pawp thei ta lo a ni. A chhungte chuan thuneitu lam hrilhin, volunteer eng emaw zatin amah an zawng nghal a, amah zawngtute chu ani chuan lo hmuin mibo an zawng a ni tih a hriat avangin ani pawh chu mibo zawngtute zingah chuan a tel ve ta nghal mai bawk a.

Mahse, hun eng emaw chen an zawn hnu chuan mibo zawngtute chu a hming ngei chu an aupui ta tlat mai le! Ani chuan mak tiin, tunge an zawn chu a zawt chiang ta a, amah an zawng tih chu a hre chhuak ta a ni.

Thuneitu lam chuan an mi zawna chu an zingah chuan a lo tel reng a ni tih an hriat chuan, a chenna in lamah an hruai haw ta a ni.