Battlefield 2042 'PC Requirement' a hriat ta

First-person shooter game ngainatute'n an nghahhleh Battlefield 2042 'PC Requirement' chu puanzar a ni ta a, Open Beta hun tur pawh an puangzar bawk.

November 19-a PlayStation, Xbox, leh PC-a khelh theih tura tlangzarh tur indo game hi October 8 leh 9 hian open beta-in a awm dawn a, game lo order lawkte tan phei chuan October 6-7-ah hian a theih dawn thung.

EA blog kaltlangin hemi chungchang hi an puangzar a, EA chuan open beta-ah hi chuan Conquest mode leh Orbital map chiah a khelh theih dawn tih an tarlang thung.

EA DICE chuan PC tana minimum leh recommended specification requirement an tarlang a, Windows 10 bakah DirectX 12 hman a ngai dawn, 100GB tal space an hard drive-ah space an neih a ngaih dawn bakah AMD Ryzen 5 3600 leh Intel Core i5 6600K processor tal an hman a ngai dawn a ni.

Battlefield 2042 hi PC-ah chuan Origin, Steam, leh Epic Games-ahte Rs 2,999-in a lei theih dawn a, PS4 leh Xbox One-a khelh tumte tan chuan Rs 3,999 man niin, PS5 leh Xbox Series S/X-ah phei chuan Rs 4,499 man lai a ni ang.