Jt. Production 'Ka ngai em che' YouTube-ah a awm ta

Mizo lengzem singer mipa zinga a zai ngaihthlak hlawh ber pawl Jt. Production chuan a music video thar 'Ka ngai em che' chu a YouTube channel-ah a tichhuak ta.

Jt. Production hian a music video thar hi Zirtawpni khan a chhawp chhuak a, nimin thleng khan YouTube-ah thlirtu sing li chuang an awm der tawh.

A hla dang ang bawkin 'Ka ngai em che' hi a mawiin ngaihthlak a hahdam lehpek a, Mizo rilrem zawng tak a ni leh. Music video hmuhnawm tak nen a hla thar hi a chhawp chhuak a, music video director MS Hlua Ralte chuan video 'simple' leh hmuh nuam tak, a hla nena inmil tak a rawn duang chhuak a, YouTube lamah pawh thlirtu an pung chak leh viauin a rinawm.