Lalthlengliani Jongte hla thar zaninah

Ṭhazual chart-a che ṭha ṭhin tak Lalthlengliani Jongte chuan zanin hian hla thar 'Lung min len ka thlir ning dawn lo' a tichhuak dawn.

Lalthlengliani hian thla hmasa lawk pawh khan music video a tichhuak tawh a, tunah hla thar rawn tichhuak lehin he a hla thar tihchhuah tur hi Siama, Zonun leh T. Melody bassist tan ka hlan a ni, a ti.

Video chu Dinpuia pachuau (Venus studio) kut chhuak a ni dawn a, Mizo deuhin shooting an nei tih Thlengi chuan a sawi a, hmuh a nuamin a video bakah a hla pawh Mizote mawi tihzawng chi tak a nih hmel.

Lalthlengliani hian a music video a uluk ṭhinin, hmuh a nuam ṭhin a, chuvang chuan tuna a music video thar tur pawh hian mit leh beng a titlai leh viau ang tih a rinawm a, a hla dang ang bawkin Ṭhazual chart lamah a inlan leh vat a rinawm.