Coca Cola leh BTS-te FIFA World Cup atan inrem

World Cup official sponsor Coca Cola chuan, Korean boy band BTS chu promotional ambassador atan inremna an ziahpui.

South Korea-a Coca Cola unit, Coca Cola Be­ve­rage Co. chuan June thla­a FIFA World Cup, Rus­sia-a khelh tur tihlar nan BTS hi an hmang dawn a ni.

Coca-Cola Beverage Co. hian an thil siam chhuah tihlar nan K-pop star eng emaw zat an lo thawhpui tawh a, BTS nena thawk dun turin inrem­na an siam leh ta bawk.

BTS hi tunlai band lar ber pawl an ni a, khawvel hmun hrang hrangah an thawm a lian hle. May 20-a Billboard Music Award sem turah pawh an perform dawn a, May 18 khian album an tlangzarh dawn bawk.