'The Tonight Show'-ah Ariana Grande inlan

Ariana Grande chu Thawh­lehni zan khan 'The Tonight Show'-ah a inlan a, a hla thar 'No Tears Left to Cry' a sa.

Tunlai ziathiam zinga boruak nei lian ber pawl American singer Grande hian lawm a hlawh hle a, show thlirtute mit leh beng a tlai hle. Ariana hian nikum May thla-a Manchester Arena-a concert a neih ṭuma bomb a puah hnua hla thar a tihchhuah leh hmasak ber 'No Tears Left to Cry' chu a concert-a vanduaina thlenga nunna chan leh hliam tuarte tan a hlan thu a sawi. Show-ah hian interview an neihpui nghal a, album chungchang a sawichhuak.

Arina Grande chuan album thar tur hi ‘Sweetener’ a nih thu sawiin, tun nipui chhung ngeia tihchhuah a tum thu a sawi bawk. Album atan hian Pharrell Williams pawh a thawhpui tih host Jimmy Fallon nen an inkwmnah hian a sawichhuak. Album-a hla awm tur ṭhenkhat pawh a sawilang bawk.

Hetih rual hian album tlang­zarh hun tur tak erawh a la puang­zar lo thung.