Khawvel ram hruaitu zingah Facebook-a follower ngah ber MODI

Khawvel ram hrang hruaitute hi lar leh thil tithei tak tak an ni a, an huhang pawh a na hle. Chutiang karah chuan India Prime Minister Narendra Modi chu khawvel ram hruaitu zingah Facebook-a follower ngah ber a ni a, hei hian a larzia a tilang chiang hle.

Facebook-ah hian Modi hian follower mi maktaduai 43.2 zet a nei a, US President Donald Trump ai pawhin a ngah zawk. Modi-a'n Facebook-a a thil post hi thla 14 vel liam ta chhung khan, like, comment leh share pawh maktaduai 13.6 vel zet a awm a ni. Hei hi mihring tamna India Prime Minister din­hmun a ni a, ram dang thleng pawha hriat a hlawh zia tilangtu pakhat a ni.

Hetih lai hian Twitter biakah chuan US Presi­dent Donald Trump chu follower ngah ber a ni thung. Asia-ah Twitter aiin Facebook hmangtu an tam zawk tih a lang bawk.

US President hian Twitter-ah hian he tih hun chhung vek hian - like, comment leh share maktaduai 204.9 zet a nei thung. Twitter lamh chuan Modi aiin Trump a chungnung hle a ni. Hetih lai hian Trump hian Facebook-ah hian ni tin post panga vel a siam ziah a, Modi aiin post a ngah zawk. Heti chung hian Facebook-ah chuan Modi a chungnung zawk a ni.

Jordan lalnu Queen Rania chuan follower ma­ktaduai 16 neiin, pathumna a ni. Hetih lai hian Cambodia Prime Minister Hun Sen chu panga-naah a lang phak a, mi maktaduai 9.6 velin an follow. Zealand Prime Minister Jacinda Ardern-i pawh follower ngah zingah a tel bawk.