India-ah pawh Avengers Infinity War bawk a hit

Avengers: Infinity War chu kar kalta Zirtawpni khan tlangzarh niin, sum lakluh tam lamah North America Box Office-ah record a siam nghal a nih kha. India-ah pawh hralh a tla hle a, vaibelchhe 94.30 zet a lalut hem mai.

India bikah hian ṭum 2,000 vel zet chhuah a ni tawh a, hetaṭanga a sum lakluh hi a turu hle. English, Hindi, Tamil leh Telugu ten tihchhuah a ni a, mipui hlut a hlawh hle a ni. India bikah hian tlangzarh kara sum lakluh tam lamah, Tiger Shroff channa Baaghi 2 pawh a khum hial.

March 30-a tlangzarh Baaghi 2 hian tlangzarh karah vaibelchhe 73.10 a lalut a, mahse hei hi Infinity War hian a rawn khum ta a ni. Hetih lai hian Deepika Padukone channa Padmaavat chu India bikah tlangzarh kara sum lalut hnem ber niin, baivelchhe 114 zet a thawk chhuak.

Marvel Comics behchhana siam superhero film hian khawvel ram hrang hrang a deng chhuak a, sum pawh a hailut hnem hle a ni.