Markle-i nei lo turin Prince Harry thurawn an pe!

British lal tupa Prince Harry leh American actress Meghan Markle te chu May 19 hian an inei tawh dawn. Hetih lai hian Markle-i lam hnai tak pakhat Thomas Markle Jr. chuan 'Suits' star hi nei lo turin Harry chu thurawn a pe mauh mai.

Thomas Markle Jr. hian Prive Harry hi lekha thawnin, Markle chu a tana mi ṭha a nih loh tur thu leh, nei lo turin a chah a ni. Hollywood actress chanchin chu khawvelin hriat loh tam tak an nei nia sawiin, amah Harry ngei pawhin a hriat loh thil tam tak a awm niin a sawi bawk. Heng bakah hian Bristish lal chhungkuate chuan thil lian tak an tisual dawn niin a la sawi cheu bawk.

Hetia a tichhan hi hriat a ni lo a, Markle-a lam hnai tak a nih avangin mi mak tih pawh a hlawh hle. Mi tam tak chuan Markle leh Thomas te hi an inkar a chhiaah an ngai bawk.

Hetih lai hian Harry leh Markle te chuan hemi chungchang hi an sawi chhuak lo thung.