MDM-in royalty semchhuak leh ta

Music Domain Mizoram (MDM) chuan an library aṭang­a music video hmangtuten an hman man an pek aṭangin zaithiamte hneah royalty an sem chhuak leh ta.

March thla royalty dawngtute hi mimal leh group an ni. Mimala dawngtute hi - Zorinsanga Sailo, B. Lalbiakkima (Bka), Daisy, Hlutei, Ruth CVL Muanpuii, Lalduhawmi, Msa ft Zonuni, Mathlenga, Ramtiami, F. Zomuanpuia, Ramdini leh Hon­trade Ṭhazual lengzem chart-a pakhatna hauh mek H. Lalvul­mawia te an ni. Chhimphei Various Artist leh Seraphic Choir te chuan royalty hi an dawng bawk.

MDM hian zaithiamten an music video aṭanga hamṭhatna an hmuh theih nan hian hma an la reng a, kum 2013 aṭang khan thlatin, royalty hi an sem chhuak a ni. Hei bakah hian MDM YouTube channel aṭanga an sum hmuhte chu zaithiamte hnenah hian an sem chhuak bawk.